大家好，又係我 Kelvin 呀！相信我同好多讀者一樣，都係打工仔一名．前陣子颱風襲港，食午飯就真係好唔方便．．外面橫風橫雨，近 office 少少既茶餐廳就已經一早爆滿．去遠少少又一定會攪到全身濕透．咁點算好呢？ 唯有叫外賣啦！其實好多 office 地區都有餐廳經營外賣，選擇都唔少添！為左方便大家（同埋自己），所以我就將我番工地點，銅鑼灣，既外賣資料放係呢度俾各網友參考，等大家除左公司既外賣紙之外又有多一個選擇．

各路英雄注意：無論您係邊度番工都好，如果你有更多既外賣資料想同各位網友分享，咁您地可以將菜單 SCAN 左，然後 email (admin@eatking.com) 俾我地，我地會即刻upload 上網．當然啦，email 既時候請留意一下檔案大小，每張菜單1MB以下就夠啦！

經過三日的整理，以下外賣店的資料已經上網！食完之後記住留個食評幫下大家 wor！